Infantil
Primeiros pasos en compañía
Educación personalizada
-
Traballamos coas necesidades e intereses temperáns do alumnado.
-
Atendemos á diversidade.
-
Buscamos a adquisición de hábitos e a autonomía persoal de cada un dos nosos nenos e nenas.
Estimulación cognitiva e sensorial
- Promovemos unha aprendizaxe divertido, flexible e sensible coa diversidade.
-
Traballamos no desenvolvemento corporal, afectivo-comunicativo, creativo e emocional con ferramentas como o ABP e os Laboratorios de nenos e nenas.
- O alumnado experimenta e manipula os medios dixitais de xeito temperán.
Plurinfantil
- Traballamos a inmersión completa nas linguas cooficiais e estranxeiras dende os 3 anos.
-
O Inglés vertebra a ensinanza da lingua estranxeira cun método activo e atractivo (cancións, bailes, literatura, ICT…).
- Contamos con asistentes de conversación nativos.
Acompañamento
-
Acompañamos ao alumnado e ás familias para formar persoas.
-
Contamos cun firme Plan de Acción Titorial (PAT) que vertebra a eficacia da nosa acción educativa.
-
Fomentamos unha educación emocional sensible a todos os aspectos da vida
A finalidade da Educación Infantil é a de contribuír ao desenvolvemento físico, afectivo, social, cognitivo e artístico do alumnado, e á educación en valores cívicos e para a convivencia.
Por todo iso, o noso colexio traballa de maneira progresiva o desenvolvemento afectivo, o movemento e os hábitos de control corporal, as manifestacións da comunicación e da linguaxe, as pautas elementais de convivencia e relación social e o descubrimento das características físicas e sociais do medio. Facilita, ademais, que as nenas e nenos elaboren unha imaxe de si mesmos positiva e equilibrada e adquiran a súa autonomía persoal.
Estamos comprometidos en transmitir aqueles valores que favorezan a liberdade persoal, a responsabilidade, a cidadanía democrática, a solidariedade, a tolerancia, o respecto, a xustiza, a prevención de conflitos e a resolución pacífica dos mesmos, a non violencia en todos os ámbitos da vida persoal, familiar e social, así como o desenvolvemento da igualdade de dereitos e oportunidades e o fomento da igualdade entre homes e mulleres.
