Información de Becas ANEAE

Non vos podedes perder o blog do Equipo de Dinamización da Lingua Galega, EDLG, que se adica a promover o uso da nosa lingua e cultura!

Aquí podedes visitar o seu Google Sites!

Volve o Certame Literario con motivo do vindeiro Día das Letras Galegas!

Aquí deixamos as bases para quen queira participar.

Hoxe a mochila viaxeira parte en busca de novas aventuras. Acompañada das nenas e nenos de 4º de Educación Infantil e comandada pola nosa querida Casimira, mergullarémonos nun mar de contidos onde os números e as figuras xeométricas serán as protagonistas.

Os alumnos de 1º E.P ata 2º da ESO tiveron a oportunidade de adquirir os coñecementos básicos e necesarios para saber actuar ante unha situación de emerxencia.

Durante o transcurso das sesións empregáronse diferentes materiais (tablets, tfno. móvil, maniquíes, desfibrilador..) que serviron de axuda para levar a cabo os diferentes contidos do curso, tanto na parte teórica coma na práctica.

Esta semana @s peques de 6º de Infantil tiveron a visita de “Catro Elefantes”, un centro de aprendizaxe activa cos que realizaron uns grandes murais onde expresaron a súa creatividade, cada grupo reflexou unha temática: dende o comezo da vida na Terra, aos inicios da Compañía de María e o coidado do planeta coas 3R.

Grazas ao ANPA pola súa iniciativa!

Hoxe celebramos o Entroido ! Moitas grazas a todas as familias que colaboraron para facer este día posible.

Este mércores 16 de marzo os nenos e nenas de 6º de Ed. Infantil puideron aprender bos hábitos de saúde e como perder o medo aos profesionais sanitarios nun "hospital de osiños" organizado polo alumnado da facultade de medicina pertencentes á asociación ME.I.G.A ( Medicina intercambios de Galicia).

Ver fotos na galería

Avanzado xa o curso, queremos achegarvos esta imaxe na que aparecen moitas das persoas -aínda que non todas- que están facendo voluntariado en distintas organizacións da cidade. Son estudantes de 4º de ESO e de 1º e 2º de Bacharelato -e tamén rapazas que están comezando os seus estudos universitarios, así como traballadores e traballadoras do centro-.

Este ano tamén os estudantes que cursan a asinatura de francés celebraron a Semana da Francofonía. Dende os niveis iniciais ata 2º de Bacharelato puxéronse en marcha distintas actividades como a creación dun "Ficcionario", é dicir un diccionario de palabras creadas por eles mesmos partindo doutras palabras que xa existen no idioma galo.

Onte en 5º de Educación Infantil, traballamos a relación do número coas cantidades de distintas maneiras. Potenciando así, a metodoloxía DUA (Diseño Universal para a Aprendizaxe) respectando a diversidade existente na aula.

Nesta actividade tiñan catro estacións:

O pasado mércores 23 de febreiro celebramos o Día de Rosalía de Castro. Este ano o EDLG propuxo para as etapas de Ed. Infantil e Primaria tratar a figura da escritora con actividades relacionadas coa súa flor favorita, os pensamentos, baixo o lema " Sementade pensamentos".

Hoxe, os nenos de 4º de infantil emprenden unha nova aventura. A súa compañeira Casimira visita as súas casas cunha misión: presentar "XOGAMOS COS NOMES", un libro manipulativo, no que a través do xogo tentamos motivar ao noso alumnado no proceso da lectoescritura.

Do 7 o 11 de febreiro celebraremos as XIX Xornadas Eu podo, ti podes... Podemos!!!. Unha semana para romper estereotipos e prexuizos que nos permitan ter unha mirada aprecitativa das demáis persoas para xunt@s construir un mundo mellor.

Colaboramos un ano máis con Don Bosco (Cáritas), Boa Noite e o Albergue de Xoán XXIII para continuar avanzando en familia e medrando como comunidade.

En Educación Infantil son imprescindibles as rutinas diarias, por iso empregámolas para traballar diariamente múltiples contidos a través de elementos que forman parte da súa realidade máis próxima para que, deste xeito, teña lugar unha aprendizaxe significativa.

Hoxe na clase de psicomotricidade traballamos as viravoltas, reptamos polo túnel e escalamos no rocódromo seguindo as instrucións da profe: tocar os números/letras do noso nome, resultados de sumas… Pasámolo xenial!!! 😍

Today we did some crawling & climbing. In our climbing wall we touched the letters/numbers of our names, sums results… We love it!! 😍

Publicamos este vídeo dispoñible para as familias na plataforma Stream, onde podedes ver un resumo do acontecido na celebración de Ed. Primaria da Nena María 2021.

Podedes acceder usando a vosa conta Educamos. Non volo perdades!

Anovamos o blog do EDLG: Equipo de dinamización da lingua Galega. Un blog que ten coma fin dar maior recoñecemento e visibilidade á cultura de Galicia: a nosa lingua, as nosas tradicións... Botállede un ollo!

Blog do EDLG

Pasados xa uns días do Encontro internacional do proxecto Erasmus+, queremos escribirvos para explicar, en poucas liñas, o vivido a semana do 6 ao 14 de novembro.
Vinte estudantes do noso colexio, oito de Polonia, oito de Francia e oito de Alemaña (ademais dos oito profesores que lles acompañabamos) vivimos unha semana inolvidable:

Día de talleres no centro.
Dous talleres de teatro: un deles estudando a revolta dos irmandiños como exemplo de conflito antiseñorial, e un segundo sobre personaxes de Compostela (Rosalía de Castro, Valle, las dos Marías, Xelmírez, artesáns de Compostela...).

Terceiro día do proxecto xa.
Hoxe coñecemos o Parque Eólico Experimental de Sotavento e estudamos e reflexionamos sobre vellas e novas formas de produción de enerxía.
Ademais, evidenciouse na visita a nosa responsabilidade na xeración de residuos así como o camiño que temos que seguir para revertir a situación de emerxencia climática.
Despois de aprender moito, comida na praia da Madalena en Cabanas.
Que gran día!

Comprometémonos con e polas novas xeracións, por unha sociedade xusta, en paz e en harmonía social.

XUNTOS SOMOS LUZ
https://www.escuelascatolicas.es/pacto-educativo-global/

Gran día no programa Erasmus do colexio! Hoxe tocou estudar o pasado e presente de Santiago: catedral, casco histórico, unha sociedade plural e unha cidade que non olvida a súa conexión coa natureza. Mañá: Pontevedra e o seu premiado modelo de desenvolvemento urbano.

Compartimos con vós a exposición da que podemos disfrutar na biblioteca do colexio. Trátase dunha exposición con algunhas das máis importantes obras da arquitectura moderna e é froito da colaboración entre a Biblioteca do colexio e o proxecto FOCUS, a iniciativa Erasmus+ que se está a desenvolver no colexio (en colaboración con outras tres escolas europeas). Moitas grazas por lernos e seguirnos.

ORDE do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en educación infantil, educación primaria, educación secundaria obrigatoria e bacharelato.

.

Información sobre o fondo solidario de libros de texto e material escolar para o curso 2021/22, segundoa a Orde do 6 de maio de 2021 (DOGA 20 de maio de 2021).

Circular informativa

Anuncio DOGA

Anexo I e II do fondo solidario

Queremos presentarvos a última actividade Erasmus deste curso. Foi levada a cabo polo alumnado de 1º de ESO, coordinado por Blanca e Íñigo, os seus profesores de Xeografía e Historia.

Colabora no proxecto da Compañía de María no barrio de Bedou, que se atopa en emerxencia alimentaria tras os derradeiros terremotos acontecidos en Haití. Unha pequena axuda pode alimentar a moitas persoas!

Listaxe libros de texto Ed. Infantil e Ed. Primaria 2021/22

Listaxe libros de texto ESO e Bacharelato 2021/22

.

Lembramos a celebración de inicio de curso de Ed. Infantil e Ed. Primaria con estas imaxes. Comezamos o curso con moitas enerxías e ganas de aprender xuntos!

Ver fotos na nosa galería...

Os alumnos e alumnas de 3º da ESO fixeron este fantástico álbum ilustrado que compartimos con vos neste vídeo. Non volo perdades!

Novamente queremos compartir con vós unha actividade do noso proxecto FOCUS, unha iniciativa Erasmus+.
Neste caso trátase do traballo realizado polo alumnado de 3º de ESO na materia de Xeografía e Historia.
Cada alumno ou alumna estudaron cadansúa cidade colonial, mostrando os rasgos comúns a todas elas (plano hipodámico, conexión entre a área urbana e área rural, arquitectura colonial, traída de auga...) e tamén as particularidades (historia precolombiana, organización dos barrios, mercado de escravos...).

"Ola, moi boas: comunicámonos novamente con vós para mostrarvos algo máis do traballo que se está a facer dende as distintas materias e niveis dentro do proxecto FOCUS (unha iniciativa Erasmus+).
En 2º de ESO, coordinados polo profesorado de Xeografía e Historia, o alumnado traballou a herdanza musulmana e xudea da Península Ibérica. Así, achegándose a distintos pensadores e cidades medievais, foron quen de valorar as moitas influenzas recibidas destas culturas que son parte da nosa identidade.

Compartimos con vós a saída que fixemos esta semana para preparar os talleres que desenvolverán as persoas do proxecto Erasmus+ o próximo ano, durante a visita dos nosos colegas polacos, alemáns e franceses.
Visitamos o Parque Eólico experimental Sotavento, no concello lucense de Xermade.

A partir do luns 10 xa estarán dispoñibles as rifas solidarias da FISC!
Por tan só 50 céntimos podes contribuír ao proxecto educativo da FISC en Tanzania.
O alumnado poderá comprar os seus boletos na aula.

.

Lembramos a pasada festa de Santa Xoana recopilando cada momento nesta galería de fotos e vídeos. Así compartimos con vos o acontecido neses dous días de celebración en todo o colexio!

Compartimos un vídeo resumo dos English Days, celebrados o mes de abril en todos os niveis educativos do cole!
#IWantToReadFree

Voltamos a convocar datas para realizar os exames de Oxford Test of English, os días 29 e 30 de xuño. Os interesados podedes pedir a vosa solicitude na secretaría do centro, antes do día 24.

.

Convocatoria de bolsas de comedor escolar, adquisición de material e actividades extraescolares. Concello de Santiago de Compostela - Curso 2021/2022.

Bases do curso 2021/22

Publicación BOP 8/6/21

Estamos de volta e tan ilusionados coma sempre, aínda que lidiando coas dificultades propias dos nosos tempos.
Queremos amosarvos estes vídeos que preparamos nos encontros do mes de outubro: queren ser un saúdo para as nosas escolas amigas en Bad Nenndorf (Alemaña), Varsovia (Polonia) e Champagnè (Francia), colexios cos que seguimos inmersos na aventura do noso proxecto FOCUS.

Queremos agradecer a toda a comunidade educativa (Familias, alumn@s e traballadores do centro) a vosa solidaridade e xenerosidade durante o pasado día de Santa Xoana. Grazas a todos vós, fomos capaces de recadar 7852,8€ que serán doados íntegramente á FISC para a construcción do complexo educativo de Tanzania.

Xuntos somos máis fortes!

O martes 18 de maio terán lugar no salón de actos do noso colexio as presentacións de proxectos STEMBach que comezaron o mes pasado ca exposición de Fátima Vilar. Aquí adxuntamos o programa do evento, onde profesionais da investigación colaboran coma titores dos nosos alumnos!

Cando descubrimos que as rúas da nosa cidade están na literatura, cada paseo pode converterse nunha aventura... Agora ti tamén podes participar!

Atoparás na entrada do cole algún lugares sinalizados nun mapa de Santiago. En cada un deses lugares acharás un código QR. Descubre a onde te levan! Escanéao e poderás desfrutar de fragmentos de grandes obras da literatura universal, que gardan relación coa nosa cidade.

O equipo de Pastoral achéganos este Genially que contén a proposta de "Bos días" para cada luns deste ano!

Os próximos días 8 e 9 de abril celebraremos "The English Days", nos cales achegaremos e coñeceremos un pouco máis de preto a literatura e obra de autores de lingua inglesa a través de distintas actividades que levarán a cabo os alumnos na aula: Videoforums, roleplays, xogos...

Hoxe, 24 de febreiro, celebramos o día de Rosalía De Castro. Dende o Equipo de Dinamización Galega, adicamos diferentes espazos do centro á homenaxeada, deste xeito, achegamos a figura da escritora.

Dentro do proxecto Erasmus+, ademais do traballo impulsado polo Club Erasmus+, queremos que coñezades as actividades que se está a facer dentro do proxecto dende distintas materias.
Hoxe achegámosvos este interesante proxecto que realizou o noso alumnado de Anthropology en 1º de bacharelato.

Cada Antroido
o Meco manda.
Cada día escoita atento,
cumpre a súa comanda.
Remexe nos caixóns
e ponte de gala
coas súas prendas,
a elegancia gana.

VENRES, 12 DE FEBREIRO - DESPEDIDA DO MECO

O pasado martes 23 de marzo, en relación ao novo proxecto no que están a traballar os alumnos e alumnas de Educación Plástica, Visual e Audiovisual de 4º da ESO, "creación dun álbum ilustrado", contaron coa visita de Fausto Isorna e Gemma Sesar, fundadores da Editorial Compostela #elpatitoeditorial, especializada na publicación de libro ilustrado. Fausto, deseñador gráfico e ilustrador, estivo a explicarlles, paso a paso, todo o proceso creativo dun álbum ilustrado.

Celebramos un ano máis as xornadas de sensibilización sobre a diversidade, as XVIII Xornadas eu podo ti podes podemos, desta vez de forma telemática, con diferentes actividades e encontros dende Ed. Infantil ata Bacharelato!

Estarán con nós, nas charlas para ESO e Bacharelato: Susana Rodríguez Gacio, médico e campiona paraolímpica de triatlón, Adiaratou Iglesias Forneiro, atleta paraolímpica, persoas usuarias da asociación ASPACE e FADEMGA.

Un ano máis os alumnos e alumnas do colexio celebran a Semaine de la Francophonie facendo diversas actividades dende 1º ata 4º da ESO sobre a lingua e cultura francófona.
 

 É un gusto presentarvos o traballo do grupo Erasmus+ dos últimos tres meses: Consistiu na realización dun taller sobre a democracia.

Repartidos en grupos, as persoas do Club Erasmus+ prepararon tres vídeos para ser proxectados nas aulas do colexio, ademais de ser compartidos na nosa web para disfrute e aprendizaxe de toda a comunidade educativa e persoas interesadas no que está a suceder no noso colexio.

O pasado Xoves 11 de febreiro o alumnado de 5º e 6º de EP e o de 1º,2º e 3º da ESO participaron no evento online As ciencias escríbense en feminino organizado con motivo do Día Internacional da Muller e da Nena na Ciencia e promovido polo Concello de Santiago de Compostela.

Así celebramos o Entroido 2021! e compartimos a experiencia con este vídeo ao que podedes acceder ca vosa conta de Educamos!

Tamén podedes visitar a nosa galería para ver como nos disfrazamos durante a semana cos mandatos do Meco.

Unha das moitas actividades que realizamos en Nadal dentro do noso centro foi participar no CERTAME DE TARXETAS DE NADAL que oferta a ONG Mans Unidas.

Dende a entidade propuxéronnos invitar aos pequenos a pensar un pouco no que realmente é importante para celebrar no Nadal e, ademais, poñernos no lugar de todos eses nenos e nenas que viven dun xeito moi diferente ao noso simplemente porque naceron noutro lugar. Un lugar que chamamos países en vías desenvolvemento.

E así celebramos unha das datas máis especiais no noso calendario, o día escolar da non violencia e da paz! Para que tod@s o podades ver, fixemos este vídeo recollendo todo o que aconteceu nun día cheo de diversión, baile, e paz. Inicia sesión na túa conta Educamos do colexio para ver o vídeo!

.

Un manifesto preparado polos nosos alumnos e alumnas de Bacharelato, lembrándonos que o esencial, especialmente nestes días tan complicados que estamos a vivir, é manternos unidos, ser solidarios, e tender a man para buscar incansablemente a paz entre todos.

Feliz día escolar da non violencia e da paz!

O noso alumnado de #StemBach de 1° e 2°Bach segue formándose e traballando nos seus proxectos de investigación. Estamos moi agradecidos aos titores dos centros de investigación @ciqususc @oncomet_ e da @UniversidadeUSC @UDC_gal @uvigo por todas as facilidades nesta situación.

Despois dun trimestre de loita contra o coronavirus, os nenos e nenas de 6º de Ed. Infantil xa son uns entendidos na materia. Para difundir os seus coñecementos elaboraron este vídeo. 

Agardamos que vos sexa e utilidade para conter a covid-19.

#NonVasPoderConNós

GRAZAS a tod@s os que colaboráchedes nesta exitosa Operación Kilobora 2020, e fixestes este Nadal un pouco mellor para moitas persoas!

Comezamos a Operación Kilobora deste ano, un ano complicado pola pandemia, a crecente crise social e económica, que aumentou a necesidade de axuda para moitas persoas e familias. Por isto, os nosos alumnos impulsan, coa colaboración do profesorado e das familias, a campaña deste Nadal para recoller alimentos que serán destinados a agrupacións de total confianza: Caritas, o Albergue para persoas sen fogar de Xoan XXIII e o programa Boa noite. 

Contamos coa vosa colaboración! Máis información no seguinte vídeo e o cartaz:

Un ano máis voltamos a celebrar con todo agarimo e ilusión un día moi especial para nós, o día da Nena María.

E coma sempre, foi unha festividade en todo o colexio. Malia as precaucións que sempre temos presente debido a situación actual, fixemos moitas actividades, manualidades, cantamos, bailamos...

Aquí iremos subindo todas as fotos do día, xa que unha imaxe vale máis que mil palabras!

O pasado venres 30 de outubro tivemos a nosa particular celebración do Samaín. Na etapa de Ed. Infantil celebrouse a 4º Edición da “Outono Fashion Week”, onde os nenos e nenas deseñaron os fisfraces máis terroríficos para as distintas personaxes con elementos típicos do outono, para logo exhibilos na pasarela.

Neste PDF listamos os libros de texto e cadernos de traballo para Ed. Infantil e Ed. Primaria do curso 2020-2021.

Compartimos o cartaz do II Congreso Internacional de Ed. Infantil da Compañía de María, que se presentará online vía ZOOM.

Nestes dous documentos atopareces información sobre as bolsas do comedor e actividades extraescolares para o curso 2020/21:

Información bases - bolsas do comedor e extraescolares

BOP 29-06-2020

Día de traballo no Grupo Erasmus do colexio.

Os nosos 24 rapaces e rapazas remataron hoxe a primeira etapa na preparación dos talleres que eles liderarán durante o encontro internacional que terá lugar en marzo de 2021 na nosa escola (onde acudirán 30 persoas provintes de Francia, Polonia e Alemaña).

Durante estes meses alumnado de 1º, 2º e 3º de primaria elaboraron voluntariamente diversos xogos de xadrez. O obxectivo era elaborar tanto o taboleiro como as pezas para poder xogar en familia ao longo da corentena.

Para iso empregaron todo tipo de material que atoparon pola casa; caixas de cartón, pastas para modelar, envases, tapóns, cápsulas de café... e por riba de todo moita orixinalidade.

Todos os participantes merecen un forte aplauso polo seu esforzo. Velaquí o seu traballo.

ANULADO

Ola que tal: durante o confinamiento seguimos traballando. Non foi fácil para os nosos rapaces e rapazas do proxecto FOCUS (a nosa iniciativa Erasmus+). Elas e eles prefiren traballar en grupos, ver as caras dos demais, compartir comida e chistes antes das reunións, pero entenderon a importancia de que o proxecto siga adiante. Agradécémosllo moito.

Moi boas de novo: queremos compartir con vós este traballo que fixeron rapaces e rapazas do noso grupo Erasmus+, un traballo que esixiu estudo, aplicación do estudado (programas Tinkercard e Arduino), corrección de erros e despois reflexión sobre o traballado.

O alumnado de 1° e 4 °ESO asistiu a unha interesante charla, impartido por Guillermo Cánovas, sobre o uso que facemos de internet, redes sociais...no día a día. A través dunha autoavaliación os rapaces reflexionaron acerca do tempo e uso que fan das redes sociais, xogos... que se lles ofrecen en internet.
A charla foi organizada pola ANPA, a quen lle agradecemos a súa involucración e traballo.
Moitas grazas!

O pasado luns, os alumnos e alumnas de STEAM de Bacharelato realizaron unha experiencia sobre o movemento ondulatorio. Experimentouse cun tanque de ondas que permitía ver os frentes de onda planos, esféricos e os fenómenos de interferencia e difracción. O dispositivo foi cedido polo grupo de divulgación da Universidade de Santiago USCOSA.

#SantaJuana2020enCasa

Moi boas de novo: coma o prometido é debeda, aquí tedes con vós este vídeo na que os nosos rapaces e rapazas do Grupo Erasmus+ do colexio presentan os carteis que eles mesmos confeccionaron, algúns deles feitos coa información que lles subministraron os mesmos arquitectos estudados.

Esperamos que vos gusten e grazas por seguirnos.

Nas clases de E. Física, os alumnos e alumnas de 4º de ESO realizan seus propios entrenamentos de moitas actividades variadas e deportes. Neste caso, vemos un vídeo da clase de Zumba.

Os alumnos e alumnas de STEAM bacharelato e anatomía visitaron o CIMUS para coñecer como se investiga no centro sobre parkinson no grupo UniStem Santiago de Compostela, metabolismo molecular e descubrimento de fármacos Innopharma.

Un ano máis volve o Certame Artístico-Literario. Nesta XLII edición, o título é "Unha escoita xorda". Deixámosvos aquí as bases... animádevos a participar!

.

Moi boas: xa de volta das vacacións, aproveitamos para explicarvos brevemente o traballo que estamos a facer no último mes e medio nas nosas reunións do grupo Erasmus+.
Durante este tempo pasado e nas seguintes semanas estamos traballando en tres liñas:

Os profes de ESO e Bacharelato comparten co alumnado as súas recomendacións de lectura con motivo do Día do Libro, que se celebrou o pasado xoves 23 de abril.

.

Con motivo da celebración do día do libro o 23 de abril, o profesorado de Ed. Infantil leulle o conto “Después de la lluvia” aos seus cativos/as. Unha fábula onde se destaca a superación ante as adversidades e a importancia da colaboración dos uns cos outros para superalas.

.

Os nosos 24 rapaces e rapazas remataron hoxe a primeira etapa na preparación dos talleres que eles liderarán durante o encontro internacional que terá lugar en marzo de 2021 na nosa escola (onde acudirán 30 persoas provintes de Francia, Polonia e Alemaña).

Achéganse as xornadas de portas abertas para novos alumnos no curso 2020-21.

Comezaron xa as actividades da X Semana da Ciencia en Galego, organizada polo Equipo de Dinamización da Lingua Galega e os Departamentos de Ciencias e Matemáticas co apoio económico da ANPA do Colexio.
Traballamos xuntos en prol da ciencia en lingua galega, innovando e pensando sempre no bo proveito do alumnado.

Moi boas de novo: o proxecto FOCUS, o noso novo proxecto Erasmus+, segue avanzando coa axuda de gran parte do profesorado do noso colexio. Agora toca falar do Concurso do logo Erasmus+, coordinado polas profesoras Marina Paredes e María José Costa dende as súas materias de 4º de ESO e 1º de bacharelato respectivamente, un traballo de máis dun mes na aula, na que os alumnos estudaron as características que debe ter un bo logo, pensaron os seus logos dacordo coa información que recibiron do proxecto, e deseñaron os seus traballos.

Aquí compartimos con vós quen foron os premiados, preman no nome para descargar o logo:

Xa pasado un dos nosos días máis especiais no cole, queremos agradecer a todos os asistentes e persoas que o fixeron posible, e invitámosvos a revivir cada momento nas imaxes que iranse subindo na nosa galería.

Celebración da Nena María

Nena María Ed. Infantil

Participa nesta recolleita de alimentos que van destinados a Cáritas, Boa Noite e o Albergue Xoan XXIII.

Os nenos e nenas de diversas clases de Primaria do noso cole fixeron este vídeo para invitarte a colaborar. Escoita e actúa!

Ola, moi boas: escribimos unhas liñas para falarvos do precioso encontro que celebramos rapaces e rapazas de Grupos Lestonnac e do Voluntariado colexial.
Como nos encontros celebrados o ano pasado, contamos cunha invitada, nesta ocasión Isabel Cid, alumna de 2º de bacharelato e voluntaria no programa Boa noite que atende a persoas sen fogar.
Foi moi interesante excoitar a razón pola que decidiu facer voluntariado no pasado e por que segue a facelo este ano.

Moi boas de novo: agora toca falar do 24 de outubro, no que celebramos o lanzamento do proxecto no noso colexio.
Aínda que foi un día fermoso, no que o noso Grupo erasmus+ fixo moitas actividades interesantes, o certo é que o máis bonito foi ver como o organizaron nas reunións de traballo do 3, 10 e 17 de outubro.
Tendo claro que o éxito está no camiño, no día a día, e non no resultado final, si que queremos compartir con todos vós a creatividade, ilusión e competencia que derrocharon o pasado xoves 24 de outubro.
E fixérono mediante distintas actividades, en distintos espazos decorados polos propios integrantes do grupo:

Outro ano máis o colexio e a FISC Galicia van a celebrar unha xornada de convivencia a VI andaina solidaria e o II Xantar benéfico co obxectivo de colaborar coa recaudación ao proxecto Solidario das institucións en Tanzania. Esperamos contar coa vosa colaboración e participacion!

Máis información e inscrición descargando este documento PDF.

Ola, moi boas: estamos en marcha: o grupo Erasmus+, formado por 24 rapaces e rapazas de 3º de ESO, empezou as súas reunións semanais o xoves 3 de outubro e, despois de dúas semanas de traballo, podemos adiantar xa un pouco do que están a facer.

Xa están formados os GL! Traballamos xuntos marcando os nosos obxectivos para o presente curso.

Moi boas de novo: nesta nova entrada aproveitamos para compartir este vídeo que amosa o traballo dos rapaces e rapazas do noso grupo Erasmus+ o pasado 24 de outubro, durante o Kick-off Erasmus+Day, o momento de presentación ao colexio do noso proxecto.

Igualmente, invitámosvos tamén a consultar o blogue no que explicamos o día a día do primeiro encontro internacional dos nosos rapaces e rapazas coas súas compañeiras e compañeiros polacos, franceses e alemáns, a semana do 17 ao 23 de novembro de 2019

Esta fin de semana celebrouse en Cambre o Open Science Cambre 2019, onde non perdimos a oportunidade de estar presentes.

Os rapaces e rapazas do noso colexio presentaron un modelo dun espectacular aeroesvarador, "hovercraft", que foi deseñado, montado e probado por eles mesmos co obxetivo de construír un vehículo versátil que poida introducirse en terreos complicados ou con condicións desfavorables onde un vehículo maior ou unha persoa non podería entrar. Grazas a todo este esforzo, acadamos o primeiro premio para Bacharelato nesta edición do evento!

Quedan prazas vacantes na nova actividade que ofertamos, Escola de idiomas.

Os horarios de titoría son: Martes de 15.25 a 15.55h. e Mércores de 17.25 a 17.55h.

Podes descargar este arquivo PDF para máis información. Os boletíns de inscrición atópanse na portería do colexio. Débese poñer no boletín de inscrición a data de entrega.

BECAS E AXUDAS ALUMNOS BAC

Datas de presentación:

Desde o 1 de agosto de 2019

Ata o 1 de outubro de 2019

Non vos podedes perder as imaxes da viaxe a Irlanda dos alumnos e alumnas de 4º de ESO! Imos recopilando todos os momentos diariamente na nosa galería.

Para máis información e novas relacionadas, podedes visitar a sección Erasmus + da nosa web.

No último día da asinatura de programación deste curso, os alumnos e alumnas de 1º da ESO fixeron combates de robots Sumo, programando o seu robot para manterse o maior tempo na pista. Foi unha actividade moi entretida na que demostraron os coñecementos adquiridos!

Aberto o prazo de inscripción ao Campus Celta de Vigo '19! Non deixedes pasar esta oportunidade de desfrutar do deporte aprendendo valores, compañerismo, e con moita diversión.

Así foi a nosa experiencia na semana da lingua inglesa, FunTastic Days!

Aquí tedes un pequeno resumo de todo o que aconteceu este ano na asinatura de Ed. Física. Agardamos que vos guste!

As festas de Santa Xoana deste ano foron, coma sempre, cheas de diversión e con grandes momentos. Para rematar o curso con máis forzas, lembremos cada momento que disfrutamos eses dous días!

Presentamos o proxecto que fixeron os alumnos e alumnas de 5º de Ed. Primaria na asinatura de horto.  Un sistema de cultivo hidropónico para cultivar hortalizas con auga. Non vos perdades a vídeo-reportaxe !

.

Concerto con cuarteto de contrabaixo na igrexa incluíndo as alumnas Marina, Jessica, e o alumno Pablo Parga acompañado da súa nai.

O ANPA do colexio elaborou unha aplicación para facilitar a comunicación entre pais e nais a hora de intercambiar todo tipo de material escolar. Esta app chámase PIDE, e agardamos que sexa de moita utilidade para todas as familias do noso cole.

.

Paulo Ordóñez e Matheus Boscacci, guiados pola profesora Beatriz López foron finalistas no concurso Galiciencia 2019, co proxecto Desafógate! (Creación dun espirómetro mediante impresión 3D).

Segue as novas da Voz de Galicia (1) (2) (3)

Todas as novas en prensa e premios na sección "Prensa e premios" da nosa páxina web.

O Colexio Plurilingüe Compañía de María celebrará os días 2 e 3 de abril unhas xornadas de inmersión lingüística da lingua Inglesa. Partcipará todo o alumnado desde 3 anos ata bacharelato con diferentes actividades de participación e dinamización.

A decoración do centro neses días recordaranos os diferentes espazos do Reino Unido, e todo o colexio,alumnos e mestres, seremos partícipes e autores desta celebración que ten como fondo a énfase na importancia do coñecemento e da cultura desta lingua estranxeira.

CHARLAS maio de 2019

(2º Bacharelato)

20 maio...

12.45 h. A Medicina: unha vocación (Doctora Sabela Rodríguez)

Aula de 2º A Bacharelato

21 maio...

12.30 h. - Xornalismo e mundo empresarial (Dna. Verónica Iglesias, xornalista e empresaria)

Outro ano máis celebraremos o xa famoso Certame Artístico literario do noso colexio, onde agardamos que todos amosedes as vosas cualidades artísticas e creatividade. Animamos a todos os alumnos e comunidade educativa (Nivel G) a participar.

Este ano o título é: Unha vida sen reloxo.

Coma ben di o cartaz, a acollida non ten fronteiras, e un ano máis voltamos a celebrar as "Xornadas Eu podo, ti podes, podemos" no noso cole, onde en proxectos grupais intentamos poñernos na pel de persoas cunha realidade diferente a da moitos de nos, e onde vemos que cos valores de solidariedade e colaboración podemos acadar calquera meta.

Celebramos o día do ADN ca magnífica visita do persoal do CiMUS - USC (Centro de investigación en medicina molecular e enfermidades crónicas) facendo determinadas prácticas relacionadas co ADN.

Máis imaxes na nosa galería

Na semana de #eupodotipodespodemos queremos amosarvos a fantástica representación musical que os alumnos e alumnas de 1º de Bacharelato realizaron, abordando os problemas migratorios actuais dunha forma moi artística dirixida polas profesoras Mº José, Ángela e Marga. Non volo perdades...

Comezamos a semana "Eu podo, tí podes...Podemos!!!" co conto que os alumnos e alumnas de 1º de Bacharelato escenificaron para os nenos de infantil.
Previamente, fixeron un taller onde todos xuntos prepararon os disfraces da representación.

En febreiro tivemos dous novos encontros do noso grupo de Voluntariado, que, como sabedes, está constituido por vintecinco rapaces e rapazas do colexio que colaboran semanalmente en distintas institucións da cidade.

Sempre recomendamos unha visita a nosa sección de instalacións do colexio. Aquí poderedes ver imaxes de diferentes zonas do centro que irán actualizándose contínuamente.

Unha pequena fiestra para visualizar algo máis de preto o interior do cole.

Ir á sección de instalacións...